适逢林奕匡Phil的经典歌曲〈高山低谷〉推出十周年，他早前应邀参与日本著名音乐频道 THE FIRST TAKE（TFT）的一镜到底一次性录音演出，演绎了全新编曲的〈高山低谷〉。Phil更与歌曲监製Edward Chan，以及作词的陈咏谦开Live，谈及参与TFT的感受，以及即将为人父的心情。

今次Phil是继陈柏宇及MIRROR后，第3个歌手单位成为香港代表，参与THE FIRST TAKE录音，他为此作出了周详的准备，他道：「我的重新度过首歌嘅编排，同埋唱法都唔同左，会谂下受众系边个，唔想一模一样嘅感觉去唱，因为都事隔十年，自己嘅人生同经验会令自己有唔同感受。我都有练习多啲，仲特登买左喺正式录音时会用到嘅Headphone喺屋企练习，又会睇下唔同嘅表演者喺TFT佢会点唱，台风系点，又研究下镜头摆位，自己喺屋企事先预演一次，希望可以减低紧张程度。」

不过进入录音室时，Phil还是免不了紧张，他道：「进入录音室嘅时候，紧张一定有，但估唔到原来大家平时见到个画面好似只有自己一个人喺度，但入到去其实镜头后有最少接近30人喺度做准备，所以有啲意想不到，不过到正式录音时，大家就会全部离场。」从录影片段可见到Phil初时以一贯的微笑表示：「Okay I’m Ready!」然后他便完全陶醉于音乐之中，中段唱到肉紧之时更紧握拳头呢！录音过后，Phil也即是鬆一口气，他道：「当下第一时间谂到『Oh My God! 录完喇！』因为筹备期间练习几多次都好，正式嘅时候系有好多Pressure，但完成嗰一下成个人即刻放鬆，可以真系Enjoy The Moment多啲，我仲同每个同事都拥抱，哈！」能够在〈高山低谷〉推出十周年登上TFT，Phil坦言这是莫大的荣幸，更道：「能够唱广东歌实在太好，希望可以俾全球认识广东音乐。」

〈高山低谷〉对于Phil来说别具意义，因为当时这是一首决定Phil歌唱事业的一首作品，所以他一直铭记歌词内容，他更道：「〈高山低谷〉记载住我人生好重要嘅一刻，由最唔开心到我企得返起身，而家呢首歌成为左鞭策我嘅歌，佢唔系淨系讲低谷要点样面对，佢仲可以讲到喺人生唔同期间，都会遇上唔同高山低谷，会时刻提醒我，要继续行落去，个终点依然未达到，所以唔可以停唔可以放弃，就好似歌词咁讲：脚下路程难以削短。」

另外，陈咏谦特别提到〈高山低谷〉歌名的由来，他说：「本身未有歌名，系先写左『你界定了生活我侮辱了生存』呢句，但前面加多句『你快乐过生活我拼命去生存』，令成份歌词有一份推进。后来见副歌前有三连音的部份，想到『高的山低的谷』呢几隻字，加上香港好多山，有钱人又多数住喺半山，配合埋前面歌词，就有〈高山低谷〉呢个歌名。」早前宣布太太陀B，今年准备当爸爸，正值人生美好的时光，但Phil分享心情道：「我唔觉得自己而家喺高山，因为觉得可以再好啲，同时亦都会提醒自己唔好俾自己入到低谷，继续鞭策。」

高山低谷 - From THE FIRST TAKE